ინდონეზიაში, ვულკანის ამოფრქვევის გამო, 2 ათასზე მეტი ავიარეისი გადაიდო
იმედი|imedinews.ge
ინდონეზიაში, ვულკანის ამოფრქვევის გამო, აეროპორტების მუშაობა უკვე მეორე დღეა შეჩერებულია. გადაიდო 2 000-ზე მეტი რეისი, რის შედეგადაც 270 000-მდე მგზავრი დაზარალდა.
ჯაკარტიდან 150 კილომეტრის დაშორებით მდებარე ვულკან ანაკ-კრაკატაუს ამოფრქვევა პარასკევს გვიან ღამით დაიწყო. ვულკანი მთელი შაბათ-კვირის განმავლობაში სეისმურად აქტიური რჩებოდა.
ჯაკარტის სუკარნო-ჰატის საერთაშორისო და კიდევ სამ აეროპორტში მუშაობის შეჩერების რეჟიმი ორშაბათს, ადგილობრივი დროით 18:00 საათამდე გაახანგრძლივეს, მას შემდეგ, რაც მათ სიახლოვეს საჰაერო სივრცეში ვულკანური ფერფლი კვლავ გამოჩნდა.
რეგიონის სკოლებში სწავლება ონლაინ რეჟიმზე გადავიდა, ასევე ნაწილობრივ შეფერხდა საზღვაო ნაოსნობაც.
გაზიარება:
იმედი
წყარო: imedinews.ge