ირაკლი ჭეიშვილი: სააკაშვილი პოზიციებს არ თმობს. ეს ცალსახაა და ფაქტია და ალბათ, ეს არ მოსწონთ მელიასა და სხვა დანარჩენ ოპოზიციურ პარტიებს. სააკაშვილის ლანძღვა-გინებით ყველა გამოირჩევა

მელია და სააკაშვილი არის ერთი ჯოხის ორი ბოლო. აქედან გამომდინარე, ჩვენთვის ამ შემთხვევაში არაფერი იცვლება, - განაცხადა საპარლამენტო უმრავლესობის წევრმა, ირაკლი ჭეიშვილმა.

მისივე თქმით, მათ შორის დაპირისპირებები მუდმივ რეჟიმში იქნება - წინასაარჩევნოდ, ახლაც და არჩევნების პერიოდშიც.

„ესენი საერთო ენას ვერ ნახავენ, რადგან ისინი ქვეყანაზე და ქართველ ხალხზე არ ფიქრობენ. ფიქრობენ მხოლოდ საკუთარ თავზე. აქ არის, ვინ იქნება ფლაგმანი და ლიდერი ამ გაერთიანების.

სააკაშვილი პოზიციებს არ თმობს. ეს ცალსახაა და ფაქტია და ალბათ, ეს არ მოსწონთ მელიასა და სხვა დანარჩენ ოპოზიციურ პარტიებს. სააკაშვილის ლანძღვა-გინებით ყველა გამოირჩევა. სააკაშვილი რომ დისკრედიტირებულია, ჩვენი ქვეყნის მტერია და ამაოხრებელია, ეს ყველამ კარგად იცის და რასაც აკეთებდა 9 წლის განმავლობაში თავად და მისი პარტია, მელიებითა და ამ გაერთიანებული ოპოზიციით, მაგრამ ახლა არის პოზიციონირება, ვინ იქნება ფლაგმანი და წამყვანი. ის, რომ სააკაშვილი წლების განმავლობაში პოზიციებს ციხიდანაც არ თმობს, არაერთ განცხადებას აკეთებს და დისკრედიტაციას ახდენს დანარჩენი ოპოზიციური პარტიის იმ შემავალ გაერთიანებაში, ზუსტად ეს არის ამ დაპირისპირების მიზეზი“, - აღნიშნა ჭეიშვილმა.