ირაკლი გოგავა ევროკავშირის სანქციების 21-ე პაკეტში ყულევის ნავთობგადამამუშავებელი ქარხნის შეტანის გადაწყვეტილებაზე: ეს გადაწყვეტილება უნდა შეფასდეს როგორც ეკონომიკური თავდასხმა
პოლიტოლოგი, ირაკლი გოგავა „დღის ქრონიკაში“ ევროკავშირის სანქციების 21-ე პაკეტში ყულევის ნავთობგადამამუშავებელი ქარხნის შეტანის გადაწყვეტილებას ეხმიანება.
გოგავა მიიჩნევს, რომ ეს გადაწყვეტილება უნდა შეფასდეს როგორც ეკონომიკური თავდასხმა.
„ყულევის ნავთობგადამამუშავებელი ქარხანა არის საწარმო, რომელსაც საქართველოსთვის სტრატეგიული მნიშვნელობა აქვს. 35 წლის დამოუკიდებლობის განმავლობაში საქართველომ პირველად მოახერხა და მსგავსი საწარმო გახსნა. საქართველოს იმპორტის სტრუქტურაში ნავთობპროდუქტები არის ყველაზე დიდი ხარჯი. ამიტომ ამ დარგში ადგილობრივი წარმოების შექმნა ეს არის მართლა სასიცოცხლო ინტერესი საქართველოსა და ქართული ეკონომიკის. როდესაც ასეთ საწარმოზე ხდება თავდასხმა, ეს უნდა შეფასდეს როგორც ეკონომიკური თავდასხმა საქართველოს ეკონომიკურ ინტერესებზე“, - აღნიშნა გოგავამ.
იმედი
წყარო: imedinews.ge