ირაკლი კობახიძე ნიკა გვარამიას განცხადებაზე: ზუსტად ეს მიდგომა - გარეთ სანქცია, შიგნით აქცია ამყარებს იმ სარჩელს, რომელიც არის შეტანილი საკონსტიტუციო სასამართლოში. ეს არის ღია, მტრული დამოკიდებულება საკუთარი ხალხის, სახელმწიფოს, ქვეყნის მიმართ და ამას სჭირდება სათანადო სამართლებრივი პასუხიც

ზუსტად ეს მიდგომა - გარეთ სანქცია, შიგნით აქცია ამყარებს იმ სარჩელს, რომელიც არის შეტანილი საკონსტიტუციო სასამართლოში. ეს არის ღია, მტრული დამოკიდებულება საკუთარი ხალხის, სახელმწიფოს, ქვეყნის მიმართ და ამას სჭირდება სათანადო სამართლებრივი პასუხიც, - განუცხადა პრემიერ-მინისტრმა ირაკლი კობახიძემ მედიას.

ჟურნალისტმა ჰკითხა ნიკა გვარამიას განცხადებაზე, რომ გაცხადებულია ოპოზიციის სტრატეგია - შიგნით აქცია, გარეთ - სანქცია.

„საქმე არის აღძრული ზუსტად ამ მიდგომასთან დაკავშირებით, რაც არის მოღალატეობრივი მიდგომა. ეს არის ფართო გაგებით დანაშაულებრივი მიდგომა. ვნახოთ რა კვალიფიკაციას მისცემენ ამას საგამოძიებო უწყებები, მაგრამ ზუსტად ეს არის საკუთარი ქვეყნის ღალატი. შიგნით აქცია, გარეთ სანქცია, ანუ ქვეყნის შიგნით უნდა შეკრიბო 150 კაცი იმისთვის, რომ გარეთ შექმნა ფონი მტრული საქმიანობისთვის. ეს არის ძალიან მარტივი ლოგიკა, რომელსაც ეფუძნება მათი დანაშაულებრივი, ანტისახელმწიფოებრივი, მოღალატეობრივი საქმიანობა. ამას სათანადო პასუხი უნდა გაეცეს. 2024-2025 წლებში სათანადო პასუხი გასცა არჩევნებზე საზოგადოებამ, თუმცა ესეც არაა საკმარისი. იცით, რომ მომზადებული გვაქვს ასევე სარჩელი საკონსტიტუციო სასამართლოში. ზუსტად ეს მიდგომა - გარეთ სანქცია, შიგნით აქცია ამყარებს იმ სარჩელს, რომელიც არის შეტანილი საკონსტიტუციო სასამართლოში. ეს არის ღია, მტრული დამოკიდებულება საკუთარი ხალხის, სახელმწიფოს, ქვეყნის მიმართ და ამას სჭირდება სათანადო სამართლებრივი პასუხიც“, - აღნიშნა პრემიერმა.