ირაკლი ქადაგიშვილი: ეხამუშებათ რომ მედიამრავალფეროვნებაა საქართველოში, პოლიტმრავალფეროვნებაც არის, მაგრამ ამ პოლიტმრავალფეროვნების ხარისხი უკიდურესად დაბალია, პირდაპირ შეიძლება ითქვას, გაბანკროტებულია

„აქაც ძალიან მძიმედ აქვთ საქმე. მედიაზე ვილაპარაკეთ, ეხამუშებათ რომ მედიამრავალფეროვნებაა საქართველოში, პოლიტმრავალფეროვნებაც არის საქართველოში, მაგრამ ამ პოლიტმრავალფეროვნების ხარისხი უკიდურესად დაბალია. პირდაპირ შეიძლება ითქვას, გაბანკროტებულია“, - განაცხადა გადაცემაში „იმედი LIVE“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა.

მან ასევე ისაუბრა რადიკალების მიერ 26 მაისს დაანონსებულ აქციასთან დაკავშირებით და აღნიშნა, რომ მათ სურთ საზოგადოება ყველაფრის გარშემო გაყოფილი იყოს.

„მათ შორის საერთო ეროვნული დღესასწაულის გარშემოც უნდა იყოს გაყოფილი. ყოველდღიურად აქვთ საშუალება მოაწყონ მიტინგი, თავისი აზრი გამოთქვან და ა.შ. მაგრამ 26 მაისს, საერთო ეროვნული დღესასწაული გავყოთ, ეს კიდევ ერთხელ მიუთითებს იმაზე, რომ დავალება არის სწორედ მაქსიმალური პოლარიზაცია საზოგადოებაში“, - განაცხადა ირაკლი ქადაგიშვილმა.