ირაკლი ქადაგიშვილი: „ნაციონალური მოძრაობა“ თავისი შინაარსით ეს არის დესტრუქციული ორგანიზაცია, რომელიც ხელისუფლებაშიც და ოპოზიციაშიც ყოფნის დროსაც მხოლოდ დესტრუქციითაა დაკავებული

„ნაციონალური მოძრაობა“ თავისი შინაარსით ეს არის დესტრუქციული ორგანიზაცია, რომელიც ხელისუფლებაშიც და ოპოზიციაშიც ყოფნის დროსაც მხოლოდ დესტრუქციითაა დაკავებული, - განუცხადა ჟურნალისტებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა.

იგი მიხეილ სააკაშვილის პოსტს გამოეხმაურა. მისივე თქმით, მიხეილ სააკაშვილისა და ნიკა გვარამიას დაპირისპირება ახალი არ არის და ბევრი მიზეზითაა გამოწვეული.

„აქ არის პიროვნული მიზეზები, პიროვნული წყენები, მაგრამ მთავარი მიზეზი ის არის, ანუ საფუძველი, საიდანაც ეს დაპირისპირება იწყება, ღრმავდება და ტოტალურ ხასიათს იღებს, გახლავთ ის, რომ თავად „ნაციონალური მოძრაობა“ თავისი შინაარსით ეს არის დესტრუქციული ორგანიზაცია, რომელიც ხელისუფლებაშიც და ოპოზიციაშიც ყოფნის დროსაც მხოლოდ დესტრუქციით იყო დაკავებული. ეს დესტრუქცია მათი ლიდერებისა და წევრების ქცევის წესადაა ქცეული“, - განაცხადა ქადაგიშვილმა.

მსჯავრდებული მიხეილ სააკაშვილი სოციალურ ქსელში წერს, რომ ციხეში ნიკა მელია დედას აგინებს. სააკაშვილი ყოფილ თანაგუნდელ პატიმარს კრიმინალს უწოდებს და იმ ადამიანებს ადარებს, რომლებიც მისივე თქმით, გლდანში აგინებდნენ. სააკაშვილმა არ იცის, რა უნდა მისგან მელიას.