ირაკლი შატაკიშვილი მუსიკოს „კორძის“ კონცერტის გაუქმებაზე: საზოგადოების მოთხოვნა და დაკვეთაა ჩვენი პასუხისმგებლიანი ხელისუფლების მიმართ, რომ ყველა ძალა ვიღონოთ, რათა მსგავსი, სიძულვილზე დაფუძნებული რიტორიკა აღიკვეთოს

საპროცედურო საკითხთა და წესების კომიტეტის თავმჯდომარის პირველი მოადგილე ირაკლი შატაკიშვილი 26 სექტემბრისთვის დაგეგმილი, მუსიკოს „კორძის“ კონცერტის გაუქმებას ეხმაურება.

„ხელოვნების თუ კულტურის სფეროში მოღვაწე - რაც არ უნდა დაირქვან ამ ადამიანებმა, ჩვენი საზოგადოების აბსოლუტური უმრავლესობისთვის მიუღებელია ფაშისტური და სიძულვილის ენით გაჯერებული [რიტორიკა]. საზოგადოების მოთხოვნა და დაკვეთაა ჩვენი პასუხისმგებლიანი ხელისუფლების მიმართ, რომ ყველა ძალა ვიღონოთ, რათა მსგავსი, სიძულვილზე დაფუძნებული რიტორიკა აღიკვეთოს“, - განაცხადა შატაკიშვილმა.

როგორც ცნობილია, „კორძის“ კონცერტი, რომელიც 26 სექტემბერს იყო დაგეგმილი, აღარ გაიმართება.