ირანის საგარეო საქმეთა მინისტრის განცხადებით, ტრამპის გადაწყვეტილება გემებისთვის მიყენებული ზიანის ანაზღაურება გაყინული ირანული აქტივების ხარჯზე, ქაოსს გამოიწვევს

ირანის საგარეო საქმეთა მინისტრმა აბას არაღჩიმ აშშ-ის პრეზიდენტის დონალდ ტრამპის განცხადება ზარალის ირანული გაყინული აქტივებით ანაზღაურების შესახებ გააკრიტიკა.

როგორც არაღჩიმ სოციალურ ქსელ X-ში დაწერა, შტატების პრეზიდენტის გადაწყვეტილება „არ იქნება მშვიდობიანი და ქაოსს გამოიწვევს“.

არაღჩის განცხადებით, ვიდრე აშშ არ გააცნობიერებს, რომ ირანელი ხალხისა და მისი ინტერესების პატივისცემის გარდა სხვა გზა არ არსებობს, ამ მიმართულებით პროგრესისთვის პირობები არ შეიქმნება.

„ერთი სახელმწიფოს აქტივების ჩამორთმევა იმისთვის, რომ ისინი მომავალში წარმოშობილი და მათთან კავშირის არმქონე პრეტენზიების დასაფარად გამოიყენონ, უკიდურესად სახიფათო პრეცედენტს ქმნის. მათ, ვინც ამ სახსრების გამოყენებას ზეიმობს ან მათგან სარგებელს იღებს, უნდა ახსოვდეთ: როგორც კი მთავრობები ქონების კონფისკაციას ნორმად აქცევენ, აღარავის აქტივები აღარ იქნება უსაფრთხო. შედეგად წარმოშობილი ქაოსი არც სასიამოვნო იქნება და არც მშვიდობიანი“, - დაწერა არაღჩიმ.

ცნობისთვის, ტრამპმა ცოტა ხნის წინ თავის სოციალურ ქსელში დაწერა, რომ ნებისმიერი ზიანი, რომელიც ჰორმუზის სრუტეში მიადგება გემს, ტვირთს ან მასთან დაკავშირებულ ობიექტს, ანაზღაურდება ირანული სახსრებიდან, რომლებიც აშშ-ის მფლობელობაშია.

Seizing another nation's assets to pay for unrelated future claims is an incendiary precedent. Those who celebrate or profit from such funds should remember: once governments normalize confiscation, no one's assets are safe. Ensuing chaos will not be pretty or peaceful. — Seyed Abbas Araghchi (@araghchi) July 24, 2026