ირანის საგარეო საქმეთა მინისტრმა დაგმო ისრაელის ეროვნული უსაფრთხოების მინისტრის განცხადება იმის შესახებ, რომ „მთელი ლიბანი უნდა დაიწვას“

ირანის საგარეო საქმეთა მინისტრმა, აბას არაღჩიმ დაგმო ისრაელის ეროვნული უსაფრთხოების მინისტრის განცხადება იმის შესახებ, რომ „მთელი ლიბანი უნდა დაიწვას“ და ისრაელის მთავრობა „მუდმივი ომის“ სურვილში დაადანაშაულა.

იტამარ ბენ-გვირმა ეს კომენტარი მას შემდეგ გააკეთა, რაც „ჰეზბოლას“ ასაფეთქებელმა მოწყობილობამ ლიბანის ტერიტორიაზე ისრაელის ოთხი ჯარისკაცი იმსხვერპლა.

„ეს არ არის შემთხვევითი გენოციდური გიჟის ბოდვა. ეს არის ისრაელის რეჟიმის ეროვნული უსაფრთხოების მინისტრის საჯარო პოსტი“, - განაცხადა არაღჩიმ.

ჯარისკაცების დაღუპვის შემდეგ ისრაელსა და „ჰეზბოლას“ შორის დაძაბულობა უკიდურესად მაღალია. ამან შესაძლოა საფრთხე შეუქმნას აშშ-სა და ირანს შორის მიმდინარე სამშვიდობო მოლაპარაკებებს, რომლებიც ისრაელსა და ირანის მიერ მხარდაჭერილ „ჰეზბოლას“ შორის საომარი მოქმედებების შეწყვეტაზეა დამოკიდებული.