ირანის საგარეო უწყება: აშშ-ის სანქციები ნავთობზე მიღწეულ შეთანხმებას არღვევს

ირანმა დაგმო თეირანის მიმართ აშშ-ის ნავთობის სანქციების ხელახლა დაწესება და მას „აშკარა დარღვევა“ უწოდა იმ ურთიერთგაგების მემორანდუმისა, რომელსაც ორ ქვეყანას შორის გასულ თვეში მიაღწიეს.

ირანის საგარეო საქმეთა სამინისტრომ განცხადებაში აღნიშნა, რომ იგი „აშშ-ის მთავრობას აკისრებს პასუხისმგებლობას ვალდებულებების ამ დარღვევის შედეგებზე“.

„ეს ხდება იმ ფონზე, როდესაც შეერთებულმა შტატებმა, პირდაპირ თუ ისრაელის რეჟიმის ლიბანის წინააღმდეგ განხორციელებული ქმედებების გზით, ბოლო 20 დღის განმავლობაში არაერთხელ დაარღვია მემორანდუმის სხვადასხვა დებულება, როგორც მცირე, ისე მნიშვნელოვანი მასშტაბით“, -– ნათქვამია სამინისტროს განცხადებაში.