ირანმა ახლო აღმოსავლეთში აშშ-ის მოკავშირეების ტერიტორიებს შეუტია
ირანმა სპარსეთის ყურეში ვაშინგტონის მოკავშირეების ტერიტორიებს, დრონებითა და რაკეტებით შეუტია. სამიზნეში მოექცა ქუვეითის საერთაშორისო აეროპორტი და ნავთობგადამამუშავებელი ქარხანა. ობიექტი ცეცხლის ალსა და კვამლში გაეხვა, საწარმო მნიშვნელოვნად დაზიანდა. დაშავდა რამდენიმე ადამიანი. თეირანის განცხადებით, თავდასხმა შეერთებული შტატების მხრიდან ირანის ენერგეტიკულ ობიექტებზე დარტყმების საპასუხო რეაქცია იყო.
ირანის სასულიერო ლიდერის მრჩეველმა, მოხსენ რეზაიმ განაცხადა, რომ თუ შეერთებული შტატების მხრიდან თავდასხმები არ შეწყდება, იერიშები სრულმასშტაბიან შეტევით ოპერაციად გადაიქცევა. ამ განცხადების პარალელურად, ირანის ჯანდაცვის სამინისტრომ ცნობა გაავრცელა, რომ სამი კვირის განმავლობაში, ამერიკული იერიშების შედეგად ირანში 50 ადამიანი დაიღუპა, 500 კი დაშავდა.
თავის მხრივ, ირანზე დარტყმების მორიგი ტალღა აშშ-მა განახორციელა.
იმედი
წყარო: imedinews.ge