რუბიო უკრაინისთვის Patriot-ის საჰაერო თავდაცვის სისტემების რაკეტების წარმოების ლიცენზიების გადაცემაზე: ეს საკითხი განიხილება - თუმცა, ეს არ არის სწრაფი გამოსავალი, წარმოების გაფართოებასა და ქარხნების მშენებლობას, ლიცენზიის არსებობის შემთხვევაშიც კი, რამდენიმე წელი სჭირდება

აშშ უკრაინასთან მოლაპარაკებებს აწარმოებს Patriot-ის საჰაერო თავდაცვის სისტემების რაკეტების წარმოების ლიცენზიების გადაცემაზე. ამის შესახებ აშშ-ის სახელმწიფო მდივანმა, მარკო რუბიომ გადაცემა The Brian Kilmeade Show-ს ეთერში განაცხადა.

„სწორედ ეს საკითხი განიხილება ახლა. თუმცა, როგორც უკვე აღვნიშნე, ეს არ არის სწრაფი გამოსავალი. წარმოების გაფართოებასა და ქარხნების მშენებლობას - ლიცენზიის არსებობის შემთხვევაშიც კი - რამდენიმე წელი სჭირდება, რადგან ეს მაღალტექნოლოგიური შეიარაღებაა. საკითხი დღის წესრიგშია და მისი განხორციელება შესაძლებელია, თუმცა ის ნამდვილად ვერ გადაჭრის იმ მოკლევადიან პრობლემას, რომელზეც ისინი მიუთითებენ“, - განაცხადა რუბიომ.