ისრაელის თავდაცვის მინისტრი: ისრაელის თავდაცვით ძალებს სამხრეთ ლიბანში საფრთხეების წინააღმდეგ მოქმედების სრული თავისუფლება აქვთ

ისრაელის თავდაცვის მინისტრი, ისრაელ კაცი აცხადებს, რომ ისრაელის თავდაცვით ძალებს სამხრეთ ლიბანში საფრთხეების წინააღმდეგ მოქმედების „სრული თავისუფლება“ აქვთ.

„ცაჰალის“ მეთაურებსა და ჯარისკაცებს აქვთ სრული მხარდაჭერა პრემიერ-მინისტრისგან, ჩემგან და „ცაჰალის“ უმაღლესი სარდლობისგან, ასევე - მოქმედების სრული თავისუფლება, რათა გადამწყვეტად იმოქმედონ ნებისმიერი საფრთხის წინააღმდეგ: სამხრეთ ლიბანში, ღაზას სექტორში და ყველგან, სადაც ეს ისრაელის სახელმწიფოს დასაცავად არის საჭირო“, - აცხადებს ის ვიდეომიმართვაში.

კაცი აღნიშნავს, რომ ისრაელის არმია „დარჩება ლიბანის უსაფრთხოების ზონაში, რათა დაიცვას ჩრდილოეთით მდებარე დასახლებები, აღკვეთოს საფრთხეები და გაანადგუროს ტერორისტული ინფრასტრუქტურა ამ ტერიტორიაზე, როგორც მიწისქვეშ, ისე მიწისზევით“.