იტალიის თავდაცვის მინისტრისთვის გაუგებარია, რატომ იმუქრება ტრამპი იტალიიდან ამერიკული ჯარის გაყვანით

იტალიის თავდაცვის მინისტრის, გვიდო კროზეტოს განცხადებით, მისთვის გაუგებარია, რატომ იმუქრება აშშ-ის პრეზიდენტი, დონალდ ტრამპი იტალიიდან ამერიკული ჯარის გაყვანით.

„მიზეზები არ მესმის. ყველასთვის ნათელია, რომ ჰორმუზის სრუტეს არ ვიყენებდით. ჩვენ საზღვაო მიმოსვლის დაცვის მისიაში მონაწილეობაზე თანხმობაც კი განვაცხადეთ, რასაც, სხვათა შორის, ამერიკელი სამხედროების მიერ მაღალი შეფასება მოჰყვა“, - განაცხადა კროზეტომ.

ცნობისთვის, აშშ-ის პრეზიდენტმა გერმანიის მსგავსად, ჯარების გაყვანა იტალიიდან და ესპანეთიდანაც არ გამორიცხა. ჟურნალისტებთან საუბრისას ტრამპმა განმარტა, რომ მიზეზი ამ ქვეყნების პოზიციაა ირანში ომთან დაკავშირებით.