Українська правда: იულია სვირიდენკომ პრემიერ-მინისტრის თანამდებობიდან გადადგომის შემდეგ აშშ-ში უკრაინის ელჩობაზე უარი თქვა

იულია სვირიდენკომ უარი თქვა შეთავაზებაზე, გამხდარიყო უკრაინის ელჩი აშშ-ში პრემიერ-მინისტრის თანამდებობიდან გადადგომის შემდეგ, რომელიც უახლოეს მომავალშია მოსალოდნელი. ინფორმაციას Українська правда წყაროზე დაყრდნობით ავრცელებს.

გამოცემის წყაროების თქმით, სვირიდენკოს ჯერ არ გადაუწყვეტია, რას გააკეთებს გადადგომის შემდეგ. „მას ჯერ კიდევ ბევრი დრო აქვს. გადაწყვეტილებას სექტემბრამდე მიიღებს“, - აღნიშნა ერთ-ერთმა მათგანმა.

უკრაინის პრეზიდენტმა ვოლოდიმირ ზელენსკიმ სვირიდენკოს პრემიერ-მინისტრის თანამდებობიდან გადადგომა 12 ივლისს დააანონსა. ზელენსკიმ მაშინ განაცხადა, რომ სვირიდენკოს შესთავაზეს სათავეში ჩაუდგეს „ახალ მნიშვნელოვან მიმართულებას საკვანძო პარტნიორთან ურთიერთობებში“, თუმცა დეტალები არ დაუკონკრეტებია.

უკრაინული მედია წყაროებზე დაყრდნობით წერდა, რომ სვირიდენკო აშშ-ში უკრაინის ახალი ელჩი გახდებოდა. სააგენტო „ინტერფაქს-უკრაინა“ 12 ივლისს, ასევე წყაროებზე დაყრდნობით იტყობინებოდა, რომ აშშ-ში უკრაინის მოქმედი ელჩი, ოლგა სტეფანიშინა, თანამდებობას საკუთარი სურვილით ტოვებს.