ჯეი დი ვენსი: ირანელებს შეიძლება წვდომა ჰქონდეთ 300 მილიარდი დოლარის აღდგენით ფონდზე, რომელიც სპარსეთის ყურის ქვეყნების მიერ დაფინანსდება, თუმცა მხოლოდ იმ შემთხვევაში, თუ გარკვეული ვალდებულებები შესრულდება

აშშ-ის ვიცე-პრეზიდენტმა, ჯეი დი ვენსმა განაცხადა, რომ ირანელებს „შეიძლება წვდომა ჰქონდეთ“ 300 მილიარდი დოლარის აღდგენით ფონდზე, რომელიც, მისი თქმით, სპარსეთის ყურის ქვეყნების მიერ დაფინანსდება, თუმცა მხოლოდ იმ შემთხვევაში, თუ გარკვეული ვალდებულებები შესრულდება.

„ეს არის ის, რაზეც მათ შეიძლება წვდომა მიიღონ, ყურის ქვეყნების კოალიციის დაფინანსებით, თუკი ისინი თავიანთ ვალდებულებებს შეასრულებენ“, - განუცხადა ვენსმა CBS-ს.

ვენსმა გააფრთხილა საზოგადოება, რომ „ირანის სისტემის რადიკალები წარმოაჩენენ იმ სარგებელს, რომელსაც ირანი იღებს, და დააკნინებენ ყველაფერ იმას, რაზეც მათ დათმობაზე წასვლა უწევთ“ ამ სიკეთეების მისაღებად.

მიუხედავად იმისა, რომ ვენსის თქმით, შეერთებული შტატები „ღიაა მრავალი საკითხისთვის, რომელიც განხილვის პროცესშია“, მან უარყო, რომ ირანის მიერ 24 მილიარდი დოლარის გაყინული სახსრების მიღება შეთანხმების ტექსტის ნაწილია, რომელიც ჯერ კიდევ არ არის გასაჯაროებული.