კაია კალასი: შავი ზღვის საზღვაო უსაფრთხოების ჰაბი, რომელსაც რუმინეთი და ბულგარეთი ერთად უხელმძღვანელებენ, ხელს შეუწყობს საზღვაო ვითარების შესახებ ინფორმირებულობის გაზრდასა და ინფრასტრუქტურის დაცვას

ბრიუსელში ევროკავშირის წევრი ქვეყნების საგარეო საქმეთა მინისტრებმა საქართველოს მონაწილეობის გარეშე იმსჯელეს შავი ზღვის რეგიონის მიმართ ევროპული კავშირის სტრატეგიული მიდგომის საკითხზე. შეხვედრის დასრულების შემდეგ ევროკავშირის უმაღლესმა წარმომადგენელმა, კაია კალასმა აღნიშნა, რომ შავი ზღვის სტრატეგია, რომელიც ჯერ კიდევ გასული წლიდან შემუშავდა, უკვე განხორციელების ფაზაშია.

„შავი ზღვის საზღვაო უსაფრთხოების ჰაბი, რომელსაც რუმინეთი და ბულგარეთი ერთად უხელმძღვანელებენ, ხელს შეუწყობს საზღვაო ვითარების შესახებ ინფორმირებულობის გაზრდასა და ინფრასტრუქტურის დაცვას. ჩვენ ასევე წარვადგინეთ ამბიციური სატრანსპორტო და საკომუნიკაციო კავშირების განვითარების პროგრამა, რომლის ღირებულებაც მილიარდობით ევროს შეადგენს“, - განაცხადა კალასხმა.