„ყალბი გამოკითხვები“ - ტრამპი ირანის ომისადმი მხარდაჭერის კლებას უარყოფს

იმ ნიშნების ფონზე, რომ ამერიკელები სულ უფრო უკმაყოფილონი არიან ირანის წინააღმდეგ ომით, პრეზიდენტმა დონალდ ტრამპმა ორშაბათს განაცხადა, რომ გამოკითხვები ყალბია.

„ისინი ყალბ გამოკითხვებს მაწვდიან“, - დაიჩივლა ტრამპმა თეთრ სახლში გამართულ ღონისძიებაზე. „მათ ჩაატარეს გამოკითხვა ირანთან ომის შესახებ და თქვეს, რომ ის მხოლოდ 32%-ს მოსწონს. მე თვითონაც არ მომწონს ეს და საერთოდ არ მიყვარს ომი, მაგრამ ჩვენ უკეთ ვართ უკეთ აღჭურვილები და მსოფლიოში საუკეთესო ჯარი გვყავს“.

პრეზიდენტის მტკიცებით, გამოკითხვის კითხვები მის მიმართ მიკერძოებული იყო და დასძინა, რომ სოციოლოგებს ამის ნაცვლად უნდა ეკითხათ, უნდა მიეცეს თუ არა ირანს ბირთვული იარაღის ქონის უფლება.

„ეს არ იქნებოდა 32%“, - თქვა მან. „მაგრამ ასეც რომ გეთქვათ, მაინც 32% იქნებოდა, რადგან გამოკითხვები ყალბია. ვგულისხმობ, რომ ისინი სრულიად ყალბია“.