კალიფორნიის გუბერნატორი: ტრამპმა იუსტიციის დეპარტამენტს ჩემი და ჩემი მეუღლის გამოძიება დაავალა

კალიფორნიის გუბერნატორმა, გევინ ნიუსომმა განაცხადა, რომ დონალდ ტრამპმა აშშ-ის იუსტიციის დეპარტამენტს პირადად მისი და მისი მეუღლის, ჯენიფერ სიბელ ნიუსომის წინააღმდეგ გამოძიების დაწყება დაავალა.

კალიფორნიის გუბერნატორმა ვიდეომიმართვაში აღნიშნა, რომ ბოლო დღეებში ფედერალურმა აგენტებმა მისი ოჯახის მეგობრებისა და ყოფილი თანამშრომლების კარებზე დაიწყეს კაკუნი, რაც რაიმე დანაშაულის აღმოჩენის მიზანმიმართული მცდელობაა.

მისივე თქმით, აგენტები ითხოვენ დოკუმენტაციას და ბოროტად იყენებენ ნაფიც მსაჯულთა სასამართლო პროცესს.

„დონალდ ტრამპის სამიზნე მხოლოდ ჩემი კრიტიკული ტვიტების გამო არ გავმხდარვარ - ის იმიტომ მდევნის, რომ საპრეზიდენტო არჩევნებში კენჭისყრას განვიხილავ. მას სძულს ის ფაქტი, რომ მე მას ტყუილებსა და თაღლითობაში მუდმივად ვამხილებ“, - განაცხადა ნიუსომმა.