ხულოში საქართველოს დამოუკიდებლობის დღისადმი მიძღვნილი საზეიმო ღონისძიებები მთელი დღის განმავლობაში მიმდინარეობდა
ხულოში საქართველოს დამოუკიდებლობის დღისადმი მიძღვნილი საზეიმო ღონისძიებები მთელი დღის განმავლობაში მიმდინარეობდა.
ღონისძიების ფარგლებში მოეწყო ნახატების, ხელნაკეთი ნივთების, ნაქარგი და ნაქსოვი ნამუშევრების გამოფენა-გაყიდვა. პარალელურად იმართება სპორტული შეჯიბრებები ფეხბურთში, მკლავჭიდში, კალათბურთსა და ნარდში.
საზეიმო ღონისძიებას ხულოს მუნიციპალიტეტის მერი ვახტანგ ბერიძე, ადგილობრივი თვითმმართველობისა და საკანონმდებლო ორგანოს წარმომადგენლებთან ერთად დაესწრო.
საქართველოს დამოუკიდებლობის გამოცხადების ისტორიულ დროს შესრულდა სახელმწიფო ჰიმნი, დღის ბოლოს კი ღონისძიებები საზეიმო კონცერტით დასრულდა.
აღსანიშნავია, რომ ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით, წელს საქართველოს დამოუკიდებლობის დღისადმი მიძღვნილი ღონისძიებები იმართება კონცეფციით - „1700 წელია, რწმენა გვაძლიერებს - სიყვარული გვაერთიანებს“.
ინფორმაციას ხულოს მუნიციპალიტეტის მერია ავრცელებს.
იმედი
წყარო: imedinews.ge