კირ სტარმერი კიევში ჩავიდა

დიდი ბრიტანეთის პრემიერ-მინისტრი კირ სტარმერი, უფლებამოსილების ვადის ამოწურვამდე რამდენიმე დღით ადრე, უკრაინაში დაუგეგმავი ვიზიტით ჩავიდა.

ბრიტანეთის მთავრობის პრესსამსახურის ცნობით, სტარმერი შეხვდება უკრაინის პრეზიდენტ ვოლოდიმირ ზელენსკის, რათა „განიხილონ უკრაინის შეიარაღების კუთხით ამ დრომდე მიღწეული პროგრესი, რომ ქვეყანამ პუტინის უკანონო ინტერვენციის წინააღმდეგ ბრძოლის გაგრძელება შეძლოს“, ასევე ისაუბრებენ იმაზე თუ რაზე უნდა გაამახვილონ ყურადღება მოკავშირეებმა, რათა უკრაინამ მიიღოს ის, რაც მას სჭირდება.

სტარმერი გეგმავს გააჟღეროს გზავნილი, რომ მიუხედავად იმისა, რომ თავად ტოვებს თანამდებობას, უკრაინის მხარდაჭერის ბრიტანული პოლიტიკა გაგრძელდება - „პარტნიორობა, კოალიციები და მხარდაჭერა, რომლებიც ბოლო ორი წლის განმავლობაში ჩამოყალიბდა, გამიზნულია იმგვარად, რომ მრავალი წლის განმავლობაში იარსებოს“.