კობა კობალაძე: 14 აგვისტო არის ერთ-ერთი მტკივნეული თარიღი - მთელი ჩვენი არსითა და მრწამსით ვცდილობთ, გადავლახოთ ტკივილი, ემოციური ფონი და ჩვენს შვილებს მივცეთ საშუალება და უნარი ერთად თანაცხოვრების, ერთ ძლიერ და თავისუფალ სამშობლოში
იმედი|imedinews.ge
ვეტერანების საქმეთა სახელმწიფო სამსახურის დირექტორმა, კობა კობალაძემ გმირთა მემორიალთან აფხაზეთში დაღუპულ გმირებს პატივი მიაგო.
„14 აგვისტო არის ერთ-ერთი მტკივნეული თარიღი, რადგან ეს იყო არა დაახლოების, არამედ დაშორიშორების კიდევ ერთი ზღუდე. იმის შემდგომ მთელი ჩვენი არსითა და მრწამსით ვცდილობთ იმას, რაც შეიძლება ნაკლებ მტკივნეულად გადავლახოთ ეს ტკივილი, ეს ემოციური ფონი და ჩვენს შვილებს მივცეთ საშუალება და უნარი ერთად თანაცხოვრების, ერთ ძლიერ და თავისუფალ სამშობლოში“, - განაცხადა კობალაძემ.
აფხაზეთში შეიარაღებული დაპირისპირების დაწყებიდან 34 წელი გავიდა. თარიღთან დაკავშირებით გმირთა მოედანზე დაღუპულთა ხსოვნას პატივი აფხაზეთის ავტონომიური რესპუბლიკის მთავრობის თავმჯდომარემ, მთავრობის წევრებმა და სხვა პირებმა მიაგეს.
გაზიარება:
იმედი
წყარო: imedinews.ge