კრემლი: პუტინმა ტრამპთან სატელეფონო საუბრისას აღნიშნა, რომ რუსეთი ევროპის წინააღმდეგ არ არის განწყობილი

რუსეთის პრეზიდენტმა, ვლადიმირ პუტინმა თეთრი სახლის ხელმძღვანელთან, დონალდ ტრამპთან საუბრისას ხაზგასმით აღნიშნა, რომ რუსეთს აზრად არ მოსდის ევროპის ქვეყნების მიმართ მტრული გეგმები, - განაცხადა რუსეთის პრეზიდენტის თანაშემწემ, იური უშაკოვმა.

„იმ სპეკულაციების გათვალისწინებით, თითქოს რუსეთს ევროპული სახელმწიფოების წინააღმდეგ მტრული განზრახვები აქვს, ხაზი გაესვა იმას, რომ ჩვენ აზრადაც არ მოგვდის ევროპის მიმართ რაიმე აგრესიული გეგმები. რუსული საფრთხის შესახებ გავრცელებულ მითებს ევროპელები საფარად იყენებენ, რათა გაზარდონ უკრაინის მხარდაჭერა და საკუთარი სამხედრო ხარჯები“, - დასძინა უშაკოვმა.