ლაშა დარსალია: ჩვენ გავაგრძელებთ მუშაობას მანამ, სანამ არ მოხდება დევნილთა დაბრუნება, არ მოხდება საქართველოს სუვერენიტეტისა და ტერიტორიული მთლიანობის სრულად აღდგენა მის საერთაშორისოდ აღიარებულ საზღვრებში - ეს არის ჩვენი საბოლოო ამოცანა

ჩვენი მოწინააღმდეგე რუსეთის ფედერაცია და მისი საოკუპაციო რეჟიმების საკმაოდ დიდი რესურს დებენ, რომ არ დადგეს არაღიარების უკან წაღება, - განაცხადა საქართველოს საგარეო საქმეთა მინისტრის მოადგილემ, ლაშა დარსალიამ „დღის ქრონიკაში“.

„ცალსახად შეიძლება ითქვას, რომ ჩვენ კიდევ უფრო გავაძლიერებთ ძალისხმევას და არა მარტო ოკუპაციის უკან წაღება, ჩვენ გავაგრძელებთ მუშაობას მანამ, სანამ არ მოხდება დევნილთა დაბრუნება და მანამ, სანამ არ მოხდება საქართველოს სუვერენიტეტისა და ტერიტორიული მთლიანობის სრულად აღდგენა მის საერთაშორისოდ აღიარებულ საზღვრებში - ეს არის ჩვენი საბოლოო ამოცანა და ამაში ჩვენ მხოლოდ პროგრესის იმედი გვაქვს“, - აღნიშნა ლაშა დარსალიამ.

საქართველოს საგარეო საქმეთა სამინისტროს ინფორმაციით, ნაურუს რესპუბლიკის აღმასრულებელმა ორგანომ, ნაურუს კაბინეტმა მიიღო გადაწყვეტილება „ნაურუს რესპუბლიკასა და სამხრეთ ოსეთის რესპუბლიკას, ასევე ცნობილს როგორც სახელმწიფო ალანიას შორის“ და „ნაურუს რესპუბლიკასა და აფხაზეთის რესპუბლიკას შორის“ დიპლომატიური ურთიერთობების გაუქმების შესახებ.