ლევან მაჭავარიანი: გეკა გელაძე არის ძალიან მაღალი დონის პროფესიონალი. ის შედეგები, რაც მან დადო, ყველაფერზე მეტყველებს, შესაბამისად, ძალიან მაღალ დონეზე გაართმევს თავს სუს-ის ხელმძღვანელობას

უკომპრომისო ბრძოლა ვიხილეთ, ნარკორეალიზატორების, ქურდული სამყაროს, ორგანიზებული დანაშაულის, არალეგალური მიგრაციის წინააღმდეგ და ის შედეგები, რაც მან [გეკა გელაძემ] დადო, ყველაფერზე მეტყველებს, - აცხადებს ფრაქცია „ქართული ოცნების" თავმჯდომარის პირველი მოადგილე ლევან მაჭავარიანი.

მისივე შეფასებით, გეკა გელაძე არის ძალიან მაღალი დონის პროფესიონალი.

„შესაბამისად, გეკა გელაძე ძალიან მაღალ დონეზე გაართმევს თავს უშიშროების სამსახურის ხელმძღვანელობას, თან მამუკა მდინარაძემ ეს სამსახური აბსოლუტურად სხვა სიმაღლეზე აიყვანა და დარწმუნებული ვარ, გეკა გელაძე ანალოგიური ტემპით გააგრძელებს მუშაობას“, - აღნიშნა მაჭავარიანმა.

გეკა გელაძე სახელმწიფო უსაფრთხოების სამსახურს დღეს ოფიციალურად ჩაიბარებს.