ლევან მაჭავარიანი: ოპოზიციაში რა პროცესებიც მიმდინარეობს, ერთი მხრივ, ეს არის ხელოვნური პროცესები, იგივე ალიანსის შექმნა და იმ ალიანსში ხმაური, ვინაიდან მოქალაქეების ყურადღების გადატანა სურდათ გარე პატრონებს

თვითონ ოპოზიციაში რა პროცესებიც მიმდინარეობს, ერთი მხრივ, ეს არის ხელოვნური პროცესები, იგივე ალიანსის შექმნა და იმ ალიანსში ხმაური, ვინაიდან მოქალაქეების ყურადღების გადატანა სურდათ გარე პატრონებს, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა , ოპოზიციაზე საუბრისას.

მისივე თქმით, მათ სურთ, რომ „ლელო“ და გახარია დატოვონ ამ თამაშებს მიღმა და საზოგადოების აზრი იმგვარად ჩამოაყალიბონ, თითქოს „ლელო“ და გახარიას პარტია აყალიბებენ საკუთარ დღის წესრიგს და არიან დამოუკიდებელი პარტიები.

„მათ სურთ, რომ „ლელო“ და გახარია დატოვონ ამ თამაშებს მიღმა და საზოგადოების აზრი იმგვარად ჩამოაყალიბონ, თითქოს „ლელო“ და გახარიას პარტია აყალიბებენ საკუთარ დღის წესრიგს და არიან დამოუკიდებელი პარტიები. რეალურად ეს პარტიებიც იმართებიან ზუსტად იმავე ვერტიკალით.

მეორე მხრივ, მიმდინარეობს ბუნებრივი პროცესები ადამიანებს შორის, რომლებსაც ერთმანეთი ეზიზღებათ და ყველა ეს ადამიანი, რა თქმა უნდა, ცდილობს, რომ გარე პატრონების ფავორიტი გახდეს“- აღნიშნა ლევან მაჭავარიანმა.

ოპოზიციაში დიდი არეულობაა. „ნაციონალური მოძრაობა“ ნიკა გვარამიას პარტიას უპირისპირდება. ურთიერთბრალდებები გრძელდება. იაგო ხვიჩია კი, ყოფილ კოლეგებს თავისუფლების მტრებს უწოდებს და პარტიის სახელის ცვლილების მიზეზებს განმარტავს.