ლევან მაჭავარიანი: შუა კორიდორი არის უალტერნატივო მარშრუტი, სადაც საქართველო აზერბაიჯანთან ერთად არის ხერხემალი
ფრაქცია „ქართული ოცნების“ თავმჯდომარის პირველი მოადგილე, ლევან მაჭავარიანი მიიჩნევს, რომ შუა კორიდორი არის უალტერნატივო მარშრუტი, სადაც საქართველო და აზერბაიჯანი მთავარი ხერხემალია.
მისივე თქმით, ევროპისთვის განკუთვნილი ნებისმიერი ტვირთი საქართველოს გავლით უნდა განაწილდეს და ამას ვერავინ შეცვლის.
„შუა კორიდორი არის უალტერნატივო მარშრუტი, სადაც საქართველო არის ხერხემალი აზერბაიჯანთან ერთად და ნებისმიერი ტვირთი, პროდუქცია თუ ნავთობრესურსები, რომლებიც ევროპისთვის არის განკუთვნილი ჩინეთიდან, შუა აზიის ქვეყნებიდან თუ აზერბაიჯანიდან, აბსოლუტურად ყველაფერი უნდა გადანაწილდეს საქართველოს გავლით. ეს არის რეალური მოცემულობა და ამას ვერავინ შეცვლის“, - აღნიშნა ლევან მაჭავარიანმა.
საქართველოს როლს ევროპის ენერგეტიკულ უსაფრთხოებაში ახალი გეოპოლიტიკური ვითარება კიდევ უფრო ნათელს ხდის - ამის შესახებ სხვადასხვა გამოცემებში აქტიურად იწერება. ჰორმუზის სრუტეში მიმდინარე პროცესების გამო, იტალიის პრემიერ-მინისტრისა და აზერბაიჯანის პრეზიდენტის შეხვედრის შემდეგ, აქტიურად დაიწყო საუბარი ევროპულ ქვეყნებში გაზის აზერბაიჯანიდან იმპორტზე, ამ მარშრუტში კი გადამწყვეტ როლს, საქართველო თამაშობს. ანალიტიჯოსი ჯეკ პრანდელი სატრანზიტო რუკას აქვეყნებს, სადაც აზერბაიჯანიდან ევროპის მიმართულებით გაზის მიწოდება, სწორედ საქართველოს გავლით ხდება.
