ლევან მაჭავარიანი სიძულვილის ენის წინააღმდეგ ბრძოლის სამმართველოს მუშაობაზე: დრო გავიდა და საზოგადოება დარწმუნდა, რომ აბსოლუტურად თანაბრად მოქმედებს ეს ყველაფერი. ვიხილეთ სასამართლოს განაჩენები ჩვენი და რადიკალების მომხრეების მიმართაც. ეს ყველაფერი მუშაობს სამართლიანობის პრინციპიდან გამომდინარე

ლევან მაჭავარიანმა თქმით, შინაგან საქმეთა სამინისტროს სიძულვილის ენის წინააღმდეგ ბრძოლის სამმართველოს მუშაობა შეაფასა. საპარლამენტო ფრაქცია „ქართული ოცნების“ თავმჯდომარის პირველ მოადგილეს მიაჩნია, რომ დროთა განმავლობაში ამ სამმართველოს მუშაობას სულ უფრო მეტად პრევენციული ხასიათი ექნება. „დღის ქრონიკაში“ მან აღნიშნა, რომ სამმართველო თანაბრად ავლენს სიძულვილის ენას როგორც ხელისუფლების ოპონენტებს, ასევე მის მომხრეებს შორის.

„დრო გავიდა და საზოგადოება დარწმუნდა, რომ აბსოლუტურად თანაბრად მოქმედებს ეს ყველაფერი, არ აქვს მნიშვნელობა, როგორი პოლიტიკური გემოვნების არის ადამიანი. ვიხილეთ სასამართლოს განაჩენები ჩვენი მომხრეების მიმართაც, რადიკალების მომხრეების მიმართაც. შესაბამისად, ეს ყველაფერი მუშაობს სამართლიანობის პრინციპიდან გამომდინარე. ეს არის ერთ-ერთ ნაბიჯი, იმისთვის რომ საქართველოში ფაშიზმი, რომელიც წლების განმავლობაში გარედან ფინანსდებოდა, დასრულდეს“, - განაცხადა დეპუტატმა.

მისივე თქმით, ჯარიმები მუშაობას, თუმცა ვინც სამმართველოს მუშაობას ეწინააღმდეგება, რადიკალიზაციის, ფაშიზმისა და უზრდელობის მხარეს დგანან. მაჭავარიანი მიიჩნევს, რომ სიძულვილის ენის შემცირება, ისეთ ინიციატივებთან ერთად, როგორებიცაა დებატები და „ქართული ოცნების“ ახალგაზრდული ორგანიზაციის შეხვედრები, ქვეყანაში რადიკალიზაციის შემცირებას შეუწყობს ხელს.