ლევან მაჭავარიანი ტრამპის მუქარაზე მაკრონის პასუხის შესახებ: ბუნებრივია ბატონი მაკრონის წუხილი - არავის უხარია, როდესაც საკუთარი ქვეყნის შიდა საქმეებში უცხო ქვეყანა ერევა
ფრაქცია „ქართული ოცნების” თავმჯდომარის პირველი მოადგილე ლევან მაჭავარიანი ტრამპის მუქარაზე ემანუელ მაკრონის პასუხს ეხმიანება, რომელმაც თქვა, რომ „აშშ-ის გადასაწყვეტი არ არის, რა კანონები გვექნება ევროპელებსა და ფრანგებს“.
მაჭავარიანის თქმით, მაკრონის წუხილი ბუნებრივია, რადგან არავის უხარია, როდესაც საკუთარი ქვეყნის შიდა საქმეებში და მით უმეტეს, კანონების მიღება-არმიღებაში უცხო ქვეყანა ერევა.
„ბუნებრივია ბატონი მაკრონის წუხილი. არავის უხარია, როდესაც საკუთარი ქვეყნის შიდა საქმეებში და მით უმეტეს, კანონების მიღება-არმიღებაში უცხო ქვეყანა ერევა. ამ შემთხვევაში კიდევ ერთი ლუსტრირებაა იმ უსამართლო დამოკიდებულების, რაც კონკრეტულად საფრანგეთსა და მთლიანად ბრიუსელს საქართველოსთან მიმართებით გააჩნიათ, როდესაც ისინი უხეშად ერევიან ჩვენს შიდა საქმეებში. დღესაც, როდესაც ვიზალიბერალიზაციაზე შანტაჟი მიმდინარეობს, აქაც პირობად გვიყენებენ, რომ თურმე უნდა გავიწვიოთ გამჭვირვალობის ქართული კანონი, ანტი ელგებეტე პროპაგანდის კანონი. ჩვენ დიდი იმედი გვაქვს, რომ ბრიუსელი თავის პოლიტიკას გადახედავს საქართველოსთან მიმართებით. ჩვენთვის მისაღებია მხოლოდ სამართლიანი დამოკიდებულება და მხოლოდ ურთიერთპატივისცემაზე დამყარებული პარტნიორობა“, - აღნიშნა ლევან მაჭავარიანმა.
