ლევან მახაშვილი ბრიუსელში გამართულ შეხვედრაზე: ვიტყოდი, რომ ყველაფრის მიუხედავად იყო ნაყოფიერი შეხვედრა. მრავალთვიანი ურთიერთობის არქონის ფონზე, ჩვენ გვქონდა შესაძლებლობა, რომ თითოეული გადაწყვეტილების მოტივაცია, კონტექსტი და ა.შ. აგვეხსნა ბრიუსელისთვის სამართლებრივ დონეზე

ვიტყოდი, რომ ყველაფრის მიუხედავად იყო ნაყოფიერი შეხვედრა. მრავალთვიანი ურთიერთობის არქონის ფონზე, ჩვენ გვქონდა შესაძლებლობა, რომ თითოეული გადაწყვეტილების მოტივაცია, კონტექსტი და ა.შ. აგვეხსნა ბრიუსელისთვის სამართლებრივ დონეზე, - განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა ბრიუსელში საქართველოსა და ევროკომისიის დელეგაციებს შორის გამართულ შეხვედრასთან დაკავშირებით.

მისი თქმით, შეხვედრაზე საუბარი შეეხო ისეთ საკითხებს, რომელიც აწუხებს როგორც ბრიუსელს, ასევე, საქართველოს მხარეს.

„ვიტყოდი, რომ ყველაფრის მიუხედავად იყო ნაყოფიერი შეხვედრა. მრავალთვიანი ურთიერთობის არქონის ფონზე, ჩვენ გვქონდა შესაძლებლობა, რომ საქმიანად, სამართლებრივი არგუმენტებით გვესაუბრა ყველა იმ დაგროვილ საკითხზე, რაც გასული წლინახევრის განმავლობაში აწუხებს ევროკავშირს ან აწუხებს საქართველოს ბრიუსელთან დაკავშირებით. ჩვენ გვქონდა შესაძლებლობა, რომ თითოეული გადაწყვეტილების მოტივაცია, კონტექსტი და ა.შ. აგვეხსნა ბრიუსელისთვის სამართლებრივ დონეზე. ჩვენ მზად ვართ კონსტრუქციული და სამართლიანი დიალოგისთვის ნებისმიერ ფარგლებში, ოღონდ საბოლოო ჯამში პოლიტიკური დიალოგის აღდგენა იქნება მნიშვნელოვანია, მათ შორის ამ ტიპის საკითხების უფრო სიღრმისეულად და ნაყოფიერად განხილვისთვის“, - განაცხადა ლევან მახაშვილმა.

საქართველოს დელეგაციასა და ევროკომისიის დელეგაციას შორის სავიზო დიალოგის ფარგლებში გამართულ შეხვედრაზე ქართულმა მხარემ საკუთარი პოზიციები წარადგინა. საქართველომ კიდევ ერთხელ დაადასტურა ევროკავშირთან ურთიერთპატივისცემაზე, თანასწორობასა და საერთო ინტერესებზე დაფუძნებული კონსტრუქციული თანამშრომლობის გაგრძელებისთვის მზადყოფნა.