ლევან მახაშვილი: ჩვენ ვხედავთ პოლიტიკურ სპექტრს პოლიტიკურ პარტიებში, რომლებსაც სრულიად აღრეული აქვთ საკუთარი სახელმწიფო და უცხო სახელმწიფო. სრული პოლიტიკური „დომხალია“ ამ ინტერესებში და ვერც კი გაუთვითცნობიერებიათ, რომ საკუთარი სახელმწიფო ინტერესები არის უპირატესი
ჩვენ ვხედავთ პოლიტიკურ სპექტრს პოლიტიკურ პარტიებში, რომლებსაც სრულიად აღრეული აქვთ საკუთარი სახელმწიფო და უცხო სახელმწიფო. სრული პოლიტიკური „დომხალია“ ამ ინტერესებში და ვერც კი გაუთვითცნობიერებიათ, რომ საკუთარი სახელმწიფო ინტერესები არის უპირატესი, - განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა რადიკალების პოზიციასთან დაკავშირებით, რომლებიც მისი თქმით, თვლიან, რომ სხვა ქვეყნის ინტერესებზე მაღლა სხვა ქვეყნის ინტერესები უნდა დააყენონ.
ლევან მახაშვილის განმარტებით, რადიკალები, როგორც წესი ირჩევენ ხოლმე უცხო ქვეყნების სახელმწიფო ინტერესებს.
„განურჩევლად იმისა მეგობარზეა საუბარი, პარტნიორზეა საუბარი თუ მტერზე უპირველესი ამოსავალი ეს არის საკუთარი სახელმწიფო, საკუთარი სახელმწიფოს ინტერესები. იმის გამო, რომ ამ ძალებს უკვე მრავალი წელია აღრეული აქვთ ერთმანეთში საკუთარ სახელმწიფოს და სხვისი სახელმწიფოს ინტერესები კრიტიკულ მომენტებში სამწუხაროდ, დგებიან ხოლმე უცხო ქვეყნის ინტერესების სასარგებლოდ“, - განაცხადა ლევან მახაშვილმა.
