ლევან მახაშვილი დანიაში აქციაზე პოლიციის მიერ ძალის გამოყენებაზე: თურმე შესაძლებელია საკუთარ ქვეყანაში ასე მოიქცე და ჩვენს ქვეყანას არ აქვს უფლება დაიცვას სახელმწიფო ინსტიტუტები

თურმე შესაძლებელია საკუთარ ქვეყანაში ასე მოიქცე და ჩვენს ქვეყანას არ აქვს უფლება დაიცვას სახელმწიფო ინსტიტუტები, - განაცხადა პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა „ქრონიკასთან“.

დეპუტატი გამოეხმაურა დანიის დედაქალაქში განვითარებულ პროცესებს, როდესაც პოლიციამ აქციის მონაწილეების მიმართ ფიზიკური ძალა გამოიყენა.

„ჩვენს სახელმწიფოს რომ მეათედი გაეკეთებინა, რაც საზოგადოებამ კადრებში ნახა, წარმომიდგენია, რა რეაქცია იქნებოდა ბრიუსელიდან, ან [ევროკავშირის წევრი ქვეყნების] სხვა დედაქალაქიდან. რეზოლუციას რეზოლუციაზე მიიღებდნენ, გადააყოლებდნენ სახელმწიფოს და გააშავებდნენ ქვეყანას. დასანანია, როდესაც ვხედავთ უსამართლო დამოკიდებულებას ქვეყნის მიმართ და ორმაგ სტანდარტს. თურმე შესაძლებელია საკუთარ ქვეყანაში ასე მოიქცე და ჩვენს ქვეყანას არ აქვს უფლება დაიცვას სახელმწიფო ინსტიტუტები“, - აღნიშნა მახაშვილმა.

დანიაში აქციის დასაშლელად პოლიციამ ხელკეტები გამოიყენა. ვრცელდება ვიდეოც, სადაც პოლიცია მედიის წარმომადგენელსაც გაუსწორდა ფიზიკურად.