ლევან მახაშვილი: დღეს უკვე თამამად შეგვიძლია ვთქვათ, რომ ევროპარლამენტი უფრო მეტად ორიენტირებულია საკუთარ ვიწრო პოლიტიკურ ინტერესებზე, ვიდრე სიმართლეზე და პარტნიორობის შესახებ საუბარზე
ამ დოკუმენტით ევროპარლამენტმა საკუთარ თავზე უფრო მეტი გვითხრა, ვიდრე საქართველოზე. ეს არის ორგანიზაცია, რომელიც იმის ნაცვლად, რომ იყოს სამართლიანობის, ობიექტურობის მთავარი ორგანიზაცია ევროკავშირში, მზად არის ათასი ტყუილი და უსაფუძვლო ბრალდებები ჩაწეროს თავის დოკუმენტებში, - განაცხადა ლევან მახაშვილმა ევროპარლამენტის საგარეო კომიტეტის ანგარიშზე საუბრისას.
პარლამენტის ევროპასთან ინტეგრაციის კომიტეტის თავმჯდომარე აცხადებს, რომ ევროპარლამენტი საკუთარი ვიწრო პოლიტიკური ინტერესების გატარებაზე არის ორიენტირებული.
„დღეს უკვე თამამად შეგვიძლია ვთქვათ, რომ ევროპარლამენტი უფრო მეტად ორიენტირებულია საკუთარ ვიწრო პოლიტიკურ ინტერესებზე, ვიდრე სიმართლეზე და პარტნიორობის შესახებ საუბარზე“, - მიიჩნევს მახაშვილი.
ევროპარლამენტის ანგარიში, რომელიც საქართველოს საზოგადოებაში პოლარიზაციისა და რადიკალური განწყობების წახალისების მორიგ მცდელობად შეფასდა, დასამტკიცებლად სავარაუდოდ, 18-21 მაისის პლენარულ სხდომაზე გავა.
იმედი
წყარო: imedinews.ge