ლევან მახაშვილი ეუთოს საპარლამენტო ასამბლეაზე: „მოსკოვის მექანიზმის“ ანგარიშიც აცდენილია რეალობას, მაგრამ ამ შემთხვევაშიც კი ანგარიშში ერთი წერია და ამ ასამბლეაზე სხვა რაღაცას წერენ. ამ შეუსაბამობაზე პასუხია, რომ საქართველო პატარა სახელმწიფოა, არ აქვს რაკეტები, არ აქვს ბომბები და ამიტომ უწევს ასეთ სიტუაციაში ყოფნა

„მოსკოვის მექანიზმის“ ანგარიშიც აცდენილია რეალობას, მაგრამ ამ შემთხვევაშიც ანგარიშში ერთი წერია და ამ ასამბლეაზე სხვა რაღაცას წერენ, - განაცხადა გადაცემაში „EURO ანატომია“ ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა „მოსკოვის მექანიზმის“ ანგარიშსა და ეუთოს საპარლამენტო ასამბლეის რეზოლუციაზე საუბრისას.

მისივე თქმით, ამ შეუსაბამობაზე პასუხი არის, რომ „საქართველო პატარა სახელმწიფოა, არ აქვს რაკეტები, არ აქვს ბომბები და ამიტომ უწევს ასეთ სიტუაციაში ყოფნა“.

„ეს ორმაგი სტანდარტი არის ძალიან მკაფიო ასახვა იმისა, რომ ჩვეულებრივი პოლიტიკური ბრძოლა მიმდინარეობს. ჩვენ ამ ბრძოლისთვის მზად ვიყავით 2022 წლიდან, როდესაც ჩვენ შევედით ამ ბრძოლაში იმის გათვალისწინებით, რომ ეს პროცესი არ იქნებოდა მარტივი. ამ ძალისხმევამ ბევრი ადამიანის ზურგზე გადაირია - დაწყებული ბიძინა ივანიშვილით და მისი ოჯახით, დამთავრებული „ქართული ოცნების“ რიგითი წევრებით; ზოგადად იმ მილიონ ორასი ათასზე მეტი ადამიანით, რომელმაც „ქართულ ოცნებას“ მხარი დაუჭირა სწორედ ამის გაცნობიერებით, რომ იქნებოდა პოლიტიკური იერიში, პოლიტიკური თავდასხმები, მაგრამ ამის გადატანა არის აუცილებელი იმისთვის, რომ ეს ქვეყანა გადარჩეს, როგორც სახელმწიფო“, - აღნიშნა ლევან მახაშვილმა.