ლევან მახაშვილი: ნამდვილად, საქართველო და მისი პოლიტიკური სისტემა იმსახურებს უკეთეს ოპოზიციას, რომელიც პატივს სცემს საკუთარ სახელმწიფოსა და დემოკრატიულ ინსტიტუტებს

ეს ადამიანები ისევ ილუზიებში არიან. არჩევნები 2028 წელს ჩატარდება. ამიტომ, არჩევნებზე მოწოდებები და მინიშნებები აზრს მოკლებულია, - განაცხადა პარლამენტის ევროინტეგრაციის კომიტეტის თავმჯდომარე ლევან მახაშვილმა.

მისი თქმით, საქართველო უკეთეს ოპოზიციას იმსახურებს.

„ნამდვილად, საქართველო და მისი პოლიტიკური სისტემა იმსახურებს უკეთეს ოპოზიციას და უკეთეს ოპონირებას. ქვეყანა თუ რაიმეს იმსახურებს, უკეთესი ოპოზიციაა. ისეთი, რომელიც პატივს სცემს საკუთარ სახელმწიფოს და დემოკრატიულ ინსტიტუტებს, რომლის ფარგლებშიც უნდა განახორციელონ თავიანთი საქმიანობა. სისტემიდან ამოვარდნილი ძალები არიან, რომლებიც თავიანთი გავლენის მოპოვების გარდა, არაფერზე ფიქრობენ“, - განაცხადა ლევან მახაშვილმა.