ლევან მახაშვილი: სამწუხაროდ პოლონეთმა გადაწყვიტა, რომ სახელმწიფო დონეზე თავად იყოს წინამძღოლი ამ დეზინფორმაციის საქართველოს, საქართველოს ხელისუფლების, საქართველოს ეკლესიის და სხვა საზოგადოებრივი ჯგუფების წინააღმდეგ
სამწუხაროდ პოლონეთმა გადაწყვიტა, რომ სახელმწიფო დონეზე თავად იყოს წინამძღოლი ამ დეზინფორმაციის საქართველოს, საქართველოს ხელისუფლების, საქართველოს ეკლესიის და სხვა საზოგადოებრივი ჯგუფების წინააღმდეგ, - განაცხადა პარლამენტის ევროპასთან ინტეგრაციის კომიტეტის თავმჯდომარემ ლევან მახაშვილმა პოლონეთის საზოგადოებრივი მაუწყებლის ქართულენოვანი სამსახურის პირველ გადაცემაში გაჟღერებული გზავნილების შეფასებისას.
მისივე თქმით, საქართველოს მოძღვრავენ დემოკრატიაზე, ასწავლიან როგორი უნდა იყოს დამოუკიდებელი ჟურნალისტიკა და ა.შ. მეორე ხელით კი თავად ძირს უთხრიან დემოკრატიას.
„იმ ინსტიტუტების მიმართ, რომელთა მიმართაც საზოგადოებას აქვს ძალიან მაღალი ნდობა, დამოკიდებულება, პატივისცემა როდესაც ასე შეურაცხყოფ ამ ინსტიტუტებს საბოლოო მიზანი არის სოციალური შუღლის და ამ დაპირისპირების გაღვივება“, - აღნიშნა ლევან მახაშვილმა.
„ქრონიკამ“ კითხვით მიმართა პოლონეთის საელჩოს, რა პასუხი აქვთ ეკლესიის თავდასხმაზე და უნდა ველოდოთ თუ არა მათგან რაიმე სახის რეაგირებას.
