ლევან მახაშვილი ზელენსკის განცხადებაზე: თუ იქნება პრაქტიკაში კონკრეტული ნაბიჯები, რომ გაფუჭებული ურთიერთობები და უსამართლო დამოკიდებულება შეიცვალოს, მზად ვართ, ეს ურთიერთობები გავაჯანსაღოთ
პარლამენტის ევროპასთან ინტეგრაციის კომიტეტის თავმჯდომარე, ლევან მახაშვილი უკრაინის პრეზიდენტის, ვოლოდიმირ ზელენსკის განცხადებას „დღის ქრონიკაში“ გამოეხმაურა.
მახაშვილი აღნიშნავს, რომ შემდგომი კონკრეტული გადაწყვეტილებებითა და ნაბიჯებით გამოჩნდება, რამდენად სერიოზულად ეპყრობა უკრაინა საქართველოსთან თანამშრომლობის გაგრძელების საკითხს.
„ბევრი განცხადება გვინახავს, მაგრამ პრაქტიკაში ფაქტია, რომ დღემდე საქართველოს პრემიერ-მინისტრი, სხვა მაღალჩინოსნები უკრაინის მხრიდან დასანქცირებულები არიან ზელენსკის გადაწყვეტილებით, დღემდე არც უკრაინის ელჩია დანიშნული საქართველოში და არც საქართველოს ელჩი მოღვაწეობს უკრაინაში მათივე გადაწყვეტილებით, დღემდე რამდენიმე ქართული მსხვილი კომპანია დასანქცირებული უკრაინის მიერ, ამიტომ, კარგი განცხადება, კარგი ინიციატივა, კარგი პირველი ნაბიჯია ამ მიმართულებით, მაგრამ ეს გაზაფხულს ვერ მოიყვანს, პრაქტიკაში უნდა შევხედოთ რამდენად სახელმწიფოდამოკიდებულება გადაიხედება საქართველოსადმი.
ჩვენი გუნდის სახელით კიდევ ერთხელ მინდა დავუდასტურო, რომ თუ იქნება პრაქტიკაში კონკრეტული ნაბიჯები, რომ გაფუჭებული ურთიერთობები და უსამართლო დამოკიდებულება შეიცვალოს, მზად ვართ, ეს ურთიერთობები გავაჯანსაღოთ.
კარგი პირველი ნაბიჯია, მაგრამ შემდგომი კონკრეტული გადაწყვეტილებებითა და ნაბიჯებით ვნახავთ რამდენად სერიოზულად ეპყრობა უკრაინა ამ საკითხს. ჩვენ დიალოგისთვის არასდროს გვითქვამს უარი, მზად ვართ, ამ დიალოგის მაგიდაზე კიდევ ერთხელ დავსხდეთ, თუ იქნება უკრაინის მხრიდან სერიოზული დამოკიდებულება პრაქტიკაში საქართველოს მიმართ“, - აღნიშნა მახაშვილმა.
ვოლოდიმირ ზელენსკი საქართველოს პრემიერ-მინისტრთან, ირაკლი კობახიძესთან შეხვედრას გამოეხმაურა და აღნიშნა, რომ მნიშვნელოვანია დიალოგის წარმოება ყველა დონეზე. ჩვენ მომავალშიც გავაგრძელებთ თანამშრომლობას
