ლიეტუვის პრეზიდენტი: რუსეთმა ომი უკვე წააგო

გაეროს გენერალურ ასამბლეაზე სიტყვით გამოსვლისას, ლიეტუვის პრეზიდენტმა, გიტანას ნაუსედამ მკაცრად დაგმო ვლადიმირ პუტინის შეჭრა უკრაინაში და აღნიშნა, რომ ეს კონფლიქტი უკვე პირველ მსოფლიო ომზე დიდხანს გრძელდება.

ლიეტუვის ლიდერის განცხადებით, რუსეთმა „ომი უკვე წააგო“, ხოლო მის ხელმძღვანელობას „საკუთარ თავთან დამარცხების აღიარების ეშინია“ - საერთაშორისო პასუხისმგებლობისა თუ საკუთარი ხალხის მხრიდან მოსალოდნელი შურისძიების შიშის გამო.

ნაუსედას თქმით, ეს დასკვნა ეფუძნება იმ ფაქტს, რომ ბოლო 55 თვის განმავლობაში რუსეთმა სამხედრო ძალაში 1 500 000-იანი დანაკარგი განიცადა, მათ შორის 400 000 ჯარისკაცი ბრძოლის ველზე დაიღუპა ან დაიჭრა, ტერიტორიული ნამატი კი სულ რაღაც 0.3%-ს შეადგენს.

„მიუხედავად ამ უზარმაზარი ძალისხმევისა, მთელმა ამ სისხლმა და ცრემლმა, ფაქტობრივად, არანაირი შედეგი არ გამოიღო. უკრაინა კვლავ ამაყად დგას, როგორც დამოუკიდებელი სახელმწიფო“, - განაცხადა მან.

ლიეტუვის პრეზიდენტმა დასძინა, რომ გარდაუვალი ფინალი ახლოვდება, ხოლო ფსონები სულ უფრო იზრდება, რადგან კრემლი სულ უფრო მეტად ექცევა ჩიხში.