ლიეტუვის საგარეო საქმეთა მინისტრი: ხვალ ევროკავშირში უკრაინის გაწევრიანების მოლაპარაკებების მხოლოდ მეორე და მეექვსე კლასტერებს გავხსნით. ჩვენი თვალსაზრისით, ეს მუდმივი დაყოვნება ძალიან კონტრპროდუქტიულია
იმედი|imedinews.ge
ევროკავშირის საგარეო საქმეთა საბჭოს სხდომაზე ევროკავშირში უკრაინის გაწევრების საკითხსაც განიხილავენ. ლიეტუვის საგარეო საქმეთა მინისტრის განცხადებით, არანაირი წინაღობა არ არსებობდა იმისთვის, რომ კიევთან მოლაპარაკებების ყველა კლასტერი არ გაეხსნათ. კიასუტის ბუდრისის თქმით, პროცესის დაყოვნება და შემოდგომისთვის გადადება კონტრპროდუქტიულია.
„ივლისში უკვე აღარ არსებობდა ობიექტური დაბრკოლებები ყველა კლასტერის გასახსნელად. თუმცა ხვალ ჩვენ მხოლოდ მეორე და მეექვსე კლასტერებს გავხსნით, ყველა დანარჩენს კი შემოდგომამდე გადავდებთ. ეს მუდმივი დაყოვნება, ჩვენი თვალსაზრისით, ძალიან კონტრპროდუქტიულია, რადგან ის აფერხებს და ასევე ანელებს მოლაპარაკებებს“, - განაცხადა ბუდრისმა.
გაზიარება:
იმედი
წყარო: imedinews.ge