ლუკაშენკო ბელარუსში 500 მიზნის შესახებ უკრაინელი მეთაურის სიტყვებს გამოეხმაურა: ჩვენ ერთი მიზანი გვაქვს

ბელარუსის პრეზიდენტი უკრაინაში „ძალიან სერიოზულ“ სამიზნეზე დარტყმით დაიმუქრა. ეს მას შემდეგ მოხდა, რაც უკრაინის შეიარაღებული ძალების უპილოტო სისტემების ძალების მეთაურმა რობერტ „მადიარ“ ბროვდიმ განაცხადა, რომ უკრაინელმა სამხედროებმა უკვე განსაზღვრეს 500 სამიზნე ბელარუსის ტერიტორიაზე. ლუკაშენკომ ასევე „სისულელე“ უწოდა ზელენსკის ნათქვამს, რომ რუსეთმა შესაძლოა, განმეორებით სცადოს უკრაინის წინააღმდეგ ომში ბელარუსის ჩათრევა.

„მათ შეიძლება 500 მიზანიც კი განსაზღვრეს - მადლობა, რომ ჩვენ მათთვის 500 მიზანი გვაქვს, მაგრამ ჩვენ გვაქვს ერთი ძალიან სერიოზული მიზანი, ზუსტი კოორდინატებით, რომელიც ბელარუსისგან სულ მცირე მანძილზეა. მათ ეს კარგად ესმით“, - განაცხადა მან.