მაია სანდუ: რუმინეთთან შეერთებამ მოლდოვას, შესაძლოა, ევროკავშირში უფრო სწრაფად გაწევრიანების საშუალება მისცეს

მაია სანდუს განცხადებით, მოლდოვის რუმინეთთან შეერთებამ, შეიძლება, ქვეყანას ევროკავშირში უფრო სწრაფად გაწევრიანების საშუალება მისცეს. ამ თემაზე მოლდოვის პრეზიდენტმა ფრანგულ მედიასთან ინტერვიუში ისაუბრა.

მან ასევე აღნიშნა, რომ ასეთი გადაწყვეტილება ქვეყნის მოქალაქეთა უმრავლესობამ უნდა მიიღოს და ასევე არ გამორიცხა, რომ მოლდოვა ევროკავშირს არაღიარებული „დნესტრისპირეთის რესპუბლიკის“ გარეშე შეუერთდება.

„ეს შესაძლო გამოსავალია“, - აღნიშნა მან და დასძინა, რომ ევროკავშირში გაწევრიანება არა მხოლოდ ოცნება, არამედ დემოკრატიული სახელმწიფოს გადარჩენის სტრატეგიაა.