მამა საბა გაზდელიანი: ფარავნის ტბაზე, სოფელ ფოკაში, 10:00 საათზე სადღესასწაულო მსახურებას აღავლენს მიტროპოლიტი დანიელი, ხოლო 12:30-ზე პარაკლისს გადაიხდის საქართველოს კათოლიკოს-პატრიარქი შიო მესამე

საქართველოს მართლმადიდებელი ეკლესია 1 ივნისს მოციქულთა სწორის, წმინდა ნინოს საქართველოში შემოსვლის დღეს აღნიშნავს. დღესასწაულთან დაკავშირებით, პატრიარქი შიო მესამე ფარავნის ტბასთან, სოფელ ფოკაში, პარაკლისს აღავლენს. მანამდე კი, ღია ტრაპეზზე სადღესასწაულო ღვთისმსახურება შესრულდება. წირვას ჭიათურისა და საჩხერის მიტროპოლიტი დანიელი მღვდელმთავრებთან ერთად აღასრულებს.

„განსაკუთრებული მნიშვნელობა ენიჭება წლევანდელ ნინოობას, რადგან, მოგეხსენებათ, რომ წელს ვზეიმობთ საქართველოში ქრისტიანობის სახელმწიფო რელიგიად გამოცხადების 1700 წლის იუბილეს. ეს 1700 წელი არ არის მხოლოდ ისტორიულად უდიდესი მნიშვნელობის მქონე, არამედ ეს 1700 წელი არის ასევე უდიდესი პასუხისმგებლობაც, რადგანაც ჩვენ უნდა ვიყოთ ღირსეული მემკვიდრეები იმ სარწმუნოებისა, რომელიც წმინდა ნინომ თავისი ქადაგებით მოგვიტანა. ამ დღესთან დაკავშირებით, ფარავნის ტბაზე, კონკრეტულად სოფელ ფოკაში სადღესასწაულო მსახურებას 10:00 საათზე აღავლენს მიტროპოლიტი დანიელი, ხოლო 12:30-ზე პარაკლისს გადაიხდის საქართველოს კათოლიკოს-პატრიარქი უწმინდესი და უნეტარესი შიო მესამე“, - განაცხადა მამა საბა გაზდელიანმა.