მამუკა მდინარაძე: ორმაგი სტანდარტები დიდი ხანია აღარ გვიკვირს, ვინაიდან ძალიან ბევრი წელია, არაერთი და ამ ბოლო წლებში კიდევ უფრო გამძაფრდა ეს ყველაფერი, რომ რაც საქართველოში „რუსულ კანონად“ ფასდება, ის ნორმაა ევროპის ბევრ ქვეყანაში

ორმაგი სტანდარტები დიდი ხანია აღარ გვიკვირს, ვინაიდან ძალიან ბევრი წელია, არაერთი და ამ ბოლო წლებში კიდევ უფრო გამძაფრდა ეს ყველაფერი, რომ რაც საქართველოში „რუსულ კანონად“ ფასდება, ის ნორმაა ევროპის ბევრ ქვეყანაში, - განუცხადა ჟურნალისტებს ვიცე-პრემიერმა, საქართველოს რეგიონული განვითარების მინისტრმა მამუკა მდინარაძემ.

მამუკა მდინარაძის თქმით, ასეთი მაგალითები არსებობს.

„ორმაგი სტანდარტები დიდი ხანია აღარ გვიკვირს, ვინაიდან ძალიან ბევრი წელია, არაერთი და ამ ბოლო წლებში კიდევ უფრო გამძაფრდა ეს ყველაფერი, რომ რაც საქართველოში „რუსულ კანონად“ ფასდება, ის ნორმაა ევროპის ბევრ ქვეყანაში. ასეთი მაგალითები გვაქვს. აგერ, რამდენიმე წლის წინ, ორჯერ ვნახეთ საუკუნის აფერის კლასიკა, კლასიკური მაგალითები. ორჯერ. ორივეს შეიძლება, ერთი დღის ინტერვალში მოხდა ეს ყველაფერი, საუკუნის აფერა დარქმეოდა იმიტომ, რომ იმ კანონებს, რომლებიც ამერიკის შეერთებულ შტატებში უკვე მუშაობს, იმ კანონებს, რომლებსაც ევროპის ქვეყნები იღებდნენ, იღებენ, გრძელდება, ეს განგრძობადი პროცესია, საქართველოში უწოდეს „რუსული კანონი“. დააჯერეს ახალგაზრდების ნაწილი, რომ ეს მართლაც რუსული კანონია. ოღონდ ამერიკული კანონის პირდაპირ თარგმანზეც კი. ასეთი მოცემულობა გვაქვს. სამწუხაროდ, ამ მიმართულებით მოწყვლადი ადამიანები ჩვენ გვყავს. ამ ადამიანებს საკუთარი აზრი აქვთ, რა თქმა უნდა, მაგრამ ადვილად იჯერებენ რაღაცას, რასაც მათ მიაწოდებენ და აი ამ ხალხზე, მათი შეურაცხყოფისა და მოწყვლადობის ხარჯზე, გარე დავალების მიმცემები ეთნიკურად ქართველ, მაგრამ სინამდვილეში აგენტ, ე.წ. პოლიტიკოსებს ამუშავებენ ამისთვის, რომ ეს ორმაგი სტანდარტი გახდეს ნორმა“, - აღნიშნა მან.

The Guardian-ი წერს, რომ აშშ-ის საელჩო ლონდონში ახალი „საზოგადოებრივი განათლების“ პროგრამებისთვის 500 ათას დოლარამდე გრანტებს გამოყოფს, რაც დიდ ბრიტანეთში შიდა პოლიტიკურ საქმეებში ჩარევად შეფასდა.