მარიამ ლაშხი დიდ ბრიტანეთში მტრული საქმიანობის საწინააღმდეგო კანონზე: განსაკუთრებით ბრიტანეთის მხრიდან გვახსოვს კრიტიკა. დღეს ვხედავთ, რომ იმავე პრინციპით საკანონმდებლო ცვლილებებს აინიციირებენ
განსაკუთრებით ბრიტანეთის მხრიდან გვახსოვს კრიტიკა. დღეს ვხედავთ, რომ იმავე პრინციპით საკანონმდებლო ცვლილებებს აინიციირებენ, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, მარიამ ლაშხმა.
მან კომენტარი გააკეთა დიდ ბრიტანეთის გადაწყვეტილებაზე, მტრული საქმიანობის წინააღმდეგ კანონი დაჩქარებული წესით მიიღოს.
„ჩვენ გვახსოვს, როგორ აფასებდნენ უცხოელები, როცა საქართველომ სუვერენიტეტის, უსაფრთხოების დაცვის კუთხით მსგავსი ტიპის ცვლილებები მიიღო და საკუთარი მოსახლეობა მსგავსი ტიპის მტრული ზემოქმედებისგან დაიცვა. განსაკუთრებით ბრიტანეთის მხრიდან გვახსოვს კრიტიკა. დღეს ვხედავთ, რომ იმავე პრინციპით საკანონმდებლო ცვლილებებს აინიცირებენ. ეს არა მხოლოდ ორმაგი სტანდარტია, ვფიქრობ, ეს არის უსტანდარტობა, როდესაც სხვას აკრიტიკებ იმის გამო, რომელსაც ცოტა ხანი შენვე აინიციირებ“, - აღნიშნა ლაშხმა.
დიდი ბრიტანეთი დაჩქარებული წესით იღებს კანონმდებლობას მტრული საქმიანობის წინააღმდეგ და აპირებს აკრძალოს იმ ორგანიზაციების საქმიანობა, რომლებიც ეროვნულ უსაფრთხოებას საფრთხეს უქმნიან.
იმედი
წყარო: imedinews.ge