მარკ კარნის განცხადებით, ტრამპმა უკრაინასთან მიმართებით დამოკიდებულება შესაძლოა შეცვალა

კანადის პრემიერ-მინისტრის განცხადებით, „დიდი შვიდეულის“ სამიტის ფარგლებში, დონალდ ტრამპთან გამართული დისკუსიების დროს გამოჩნდა, რომ ამერიკის პრეზიდენტმა უკრაინასთან მიმართებით დამოკიდებულება შესაძლოა შეიცვალა.

მარკ კარნი განმარტავს, რომ ეს ცვლილება რუსეთისადმი უფრო მკაცრ პოზიციას და ფრონტის ხაზზე არსებული ვითარებისადმი უფრო რეალისტურ მიდგომას მოიცავს. კანადის პრემიერ-მინისტრის თქმით, მიმდინარე ომის საბოლოო შედეგი, რუსეთის მარცხი უნდა იყოს.

„ჩვენ განვიხილეთ უკრაინასა და ლიბანთან დაკავშირებული საკითხები, ასევე უკრაინის მიმართ ტონისა და კურსის ცვლილება. ჩვენი თვალსაზრისით, ახლა ამ ომის განვითარების უფრო რეალისტური აღქმა არსებობს, ისევე როგორც პოზიცია უკრაინის მხარდაჭერასთან მიმართებით, რომელიც საკმაოდ დეტალურად განვიხილეთ“, - განაცხადა კარნიმ.