მარკ რუტე: უკრაინის თავდაცვის ძალები ამჟამად ფრონტის ხაზის სტაბილიზებას ახდენენ და გარკვეულ ტერიტორიებსაც კი იბრუნებენ - ეს აშკარად არ აუმჯობესებს ომის ინიციატორის, ვლადიმირ პუტინის განწყობას

უკრაინის თავდაცვის ძალები ამჟამად ფრონტის ხაზის სტაბილიზებას ახდენენ და გარკვეულ ტერიტორიებსაც კი იბრუნებენ - ეს აშკარად არ აუმჯობესებს ომის ინიციატორის, ვლადიმირ პუტინის განწყობას, - განაცხადა ნატოს გენერალურმა მდივანმა, მარკ რუტემ.

„აშკარაა, რომ უკრაინა ძლიერ თავდაცვას ქმნის. შეხედეთ ფრონტის ხაზს ამ მომენტისთვის - ის სტაბილურდება. ვრცელდება ინფორმაციაც კი იმის შესახებ, რომ უკრაინა, საბოლოო ჯამში, იბრუნებს ტერიტორიებს. არა მასშტაბურად, მაგრამ, ყოველ შემთხვევაში, სტაბილიზება შეინიშნება. და პოტენციურად, ახლა [ფრონტზე] ყველაფერი სწორი მიმართულებით ვითარდება და არა არასწორით. ეს ნიშნავს - დასავლეთიდან აღმოსავლეთით და არა აღმოსავლეთიდან დასავლეთით“, - აღნიშნა ნატოს ხელმძღვანელმა.

„დღეს პუტინის ადგილას რომ ვიყო, ძალიან არ გამიხარდებოდა. თუმცა, პუტინის ადგილას ყოფნა არასდროს გამიხარდებოდა, განსაკუთრებით კი ბოლო რამდენიმე კვირის განმავლობაში, რადგან საქმეები [პუტინისთვის] მისაღები მიმართულებით არ ვითარდება“, - დასძინა მან.