მარკო რუბიო ირანთან შეთანხმებაზე: პოზიტიური ნიშნები შეიმჩნევა

აშშ-ის სახელმწიფო მდივანი, მარკო რუბიო მიიჩნევს, რომ ირანთან შეთანხმების მიღწევის კუთხით „პოზიტიური ნიშნები“ შეიმჩნევა. თუმცა, მაიამიში ჟურნალისტებთან საუბრისას მან აღნიშნა, რომ „ზედმეტად ოპტიმისტურად განწყობილი“ მაინც არ არის.

„ვნახოთ, რა მოხდება უახლოეს დღეებში. პრეზიდენტის უპირატესობა კარგი შეთანხმების მიღწევაა - ეს ყოველთვის მისი მთავარი არჩევანი იყო. თუ კარგ შეთანხმებას მივაღწევთ, ეს შესანიშნავი იქნება“, - განმარტა რუბიომ.

ამასთანავე, სახელმწიფო მდივანმა დასძინა, რომ თუ კარგი შეთანხმების მიღწევა ვერ მოხერხდება, პრეზიდენტმა ნათლად განაცხადა, რომ მას სხვა ვარიანტებიც აქვს.

რუბიომ აღნიშნა, რომ ის არ აპირებს დეტალებში შესვლას იმის თაობაზე, თუ რა ვარიანტებია ეს, თუმცა მისი თქმით, ყველამ კარგად იცის, რაზეა საუბარი.