მარკო რუბიო ირანზე: ვფიქრობ, ჩვენ ყოველთვის ღია ვართ დიპლომატიისთვის. თუმცა ის რეალური უნდა იყოს

შეერთებული შტატების სახელმწიფო მდივანი აცხადებს, რომ ირანთან დიპლომატიური დიალოგისთვის ყოველთვის მზადაა, თუმცა აღნიშნავს, რომ დიალოგი რეალური უნდა იყოს. ფილიპინებზე, აზია-წყნარი ოკეანის ქვეყნების სამიტზე გამგზავრების წინ მარკო რუბიომ თეირანი შეთანხმების დარღვევაში დაადანაშაულა და ირანის წინააღმდეგ განახლებული ოპერაციის მიზეზი დაასახელა.

„ვფიქრობ, ჩვენ ყოველთვის ღია ვართ დიპლომატიისთვის. თუმცა ის რეალური უნდა იყოს. ეს უნდა იყოს შეთანხმება, რომლის დაცვისთვისაც ისინი მზად იქნებიან. შეხედეთ, ერთი კვირის წინ ირანს უნდა გამოექვეყნებინა განცხადება იმის შესახებ, რომ ჰორმუზის სრუტე გაიხსნებოდა და ისინი გემებზე თავდასხმებს შეწყვეტდნენ. ნაცვლად ამისა, მათ სამ გემს დაარტყეს. ვფიქრობ, ეს გასულ პარასკევს ან შაბათს მოხდა. ასე რომ, იმისათვის, რომ ჩვენი ქცევა შეიცვალოს, ჯერ მათი ქცევა უნდა შეიცვალოს“, - განაცხადა რუბიომ.