მარკო რუბიოს განცხადებით, ძალისხმევა უკრაინის კონფლიქტის დარეგულირების თვალსაზრისით ჩიხშია შესული

აშშ-ის სახელმწიფო მდივანმა, მარკო რუბიომ განაცხადა, რომ ამერიკის მიერ გაწეული ძალისხმევა უკრაინის კონფლიქტის დარეგულირების კუთხით, ჯერჯერობით უშედეგოა და ჩიხშია შესული.

„ჩვენ ვცდილობდით მედიატორის როლი შეგვესრულებინა, მაგრამ სხვადასხვა მიზეზის გამო ამას შედეგი არ გამოუღია. ჩვენ ვრჩებით სრულ მზადყოფნაში, რათა კვლავ დავიწყოთ ამ როლის შესრულება, თუ ის პროდუქტიული იქნება. ტყუილად დროის ხარჯვა და დროისა და ენერგიის ჩადება იმაში, რაც წინ არ მიიწევს, არ გვსურს. მაგრამ, თუ დავინახავთ შესაძლებლობას, რომ ჩვენი შუამავლობა ორივე მხარეს სამშვიდობო შეთანხმებასთან დააახლოებს, ამას გავაკეთებთ“, - თქვა რუბიომ.

მისი განცხადებით, ომი, რომელიც გრძელდება, არის „ტრაგედია“ და ორივე მხარე ამაში დიდი ფასს იხდის.

„მზად ვართ შევასრულოთ ნებისმიერი როლი, რომელიც დიპლომატიურ გადაწყვეტილებამდე მიგვიყვანს. სამწუხაროდ, ძალისხმევა ჩიხშია შესული, მაგრამ ჩვენ მუდმივ მზადყოფნაში ვართ ვიმოქმედოთ, თუ გარემოებები შეიცვლება“, - დასძინა რუბიომ.