მასუდ პეზეშკიანი: თუ ამერიკული მხარე შეთანხმების პირობებს დაიცავს, საკუთარ ვალდებულებებს ირანიც შეასრულებს

ირანის პრეზიდენტმა მასუდ პეზეშკიანმა სოციალურ ქსელ X-ში დაწერა, რომ თუ აშშ ურთიერთგაგების მემორანდუმით გათვალისწინებულ შეთანხმების პირობებს დაიცავს, საკუთარ ვალდებულებებს ისლამური რესპუბლიკაც შეასრულებს.

„ურთიერთგაგების მემორანდუმი ორმხრივი პროცესია. თუ ამერიკული მხარე შეთანხმების პირობებს დაიცავს, ჩვენც შევასრულებთ ჩვენს ვალდებულებებს. უსაფუძვლო მუქარებსა და ძალის დემონსტრირების მცდელობებზე ჩვენი პასუხია გადაწყვეტილებების მიღებისას გონიერებასა და ადამიანურ ღირსებაზე დაყრდნობა, ხოლო მოქმედების დროს საკუთარი პოზიციის მტკიცედ და უშიშრად დაცვა“, - დაწერა პეზეშკიანმა.

ცნობისთვის, აშშ-მა და ირანმა 17 ივნისს ურთიერთგაგების მემორანდუმს მოაწერეს ხელი, რომელმაც ახლო აღმოსავლეთში საბრძოლო მოქმედებები დაასრულა. დოკუმენტის გაფორმების შემდეგ მხარეებმა ვალდებულება აიღეს, 60 დღის განმავლობაში შეიმუშაონ სამშვიდობო შეთანხმება, რომელიც გრძელვადიან მშვიდობას დაუდებს საფუძველს.

تفاهم امری طرفینی است. اگر طرف آمریکایی به تفاهم نامه پایبند باشد ما هم به تعهداتمان عمل می‌کنیم. رویکرد ما در مقابل رجزخوانی‌های نامعقول و تهدیدهای بی‌پشتوانه، تکیه بر عقلانیت و کرامت انسانی در تصمیم‌گیری‌ها و دفاع قاطع و بی‌پروا به هنگام عمل است. — Masoud Pezeshkian (@drpezeshkian) June 29, 2026